नागार्जुन नगरपालिकाका नगर प्रमुख मोहन बहादुर बस्नेतद्वारा खानेपानी भवनको उद्घाटन

नागार्जुन नगरपालिकाका नगर प्रमुख मोहन बहादुर बस्नेत वडा नं. ५ स्थित सीतापाइला खानेपानी तथा सरसफाइ उपभोक्ता समितिद्वारा वडा नं. ५ बुद्धटोल स्थित कल्चौंडी खोला किनारमा आयोजित आठौं साधारण सभा तथा अधिवेशनमा सरिक हुनुभएको छ ।

उक्त कार्यक्रममा नगर प्रमुख बस्नेतले संस्थाको नवनिर्मित खानेपानी भवनको उद्घाटन गर्नुभएको थियो । कार्यक्रममा बोल्नुहुँदै उहाँले विकास निर्माणका कार्यहरु गर्दा विभिन्न बाधा अड्चनहरु आउने, विभिन्न दुरासय भएका व्यक्तिहरुले वास्तविकता नबुझी क्रिया प्रतिक्रिया जनाउने, मुद्दा मामिलामा अड्काएर अप्ठ्यारो पार्ने गरेकाले पनि असजिलो महसुस भएको र विकास निर्माण तिव्र गतिमा अघि बढ्न कठिनाइ भएको यथार्थता व्यक्त गर्नुभएको थियो ।

अन्तमा संस्थाको साधारण सभा तथा अधिवेशनको सफलताको कामना गर्दै नया चयन हुने कार्य समितिका पदाधिकारीहरुलाई अग्रिम बधाई तथा शुभकामना दिनुभएको थियो ।