काठमाडौं ।
नेपाल सरकार, वन तथा वातावरण मन्त्रालयले किसानको बालीनालीमा क्षति पुर्याउने जंगली बँदेललाई एक वर्षका लागि ‘कृषि हानिकारक वन्यजन्तु’ घोषणा गरेको छ।
मन्त्रालयले राष्ट्रिय निकुञ्ज तथा वन्यजन्तु संरक्षण नियमावली, २०३० को नियम ३६ अनुसार यो अधिकार प्रयोग गर्दै निर्णय गरेको हो। राजपत्रमा प्रकाशित सूचना अनुसार, अब किसानले सानो जातको बँदेल बाहेक, आफ्नो निजी खेत, खला वा बारीमा पसेर दुख दिने बँदेललाई बिना अनुमति धपाउन, लखेट्न, पक्रन वा मार्न सक्नेछन्।
निर्णयका प्रमुख बुँदा:
-
⚠️ क्षति पुर्याएको अवस्थामा मात्र: बँदेलले किसानको बालीनाली वा धनजनको हानि गरेको खण्डमा मात्र एक्लै वा सामूहिक रूपमा धपाउन, लखेट्न वा पक्रन पाइने।
-
📍 सम्बन्धीत निकायमा बुझाउनुपर्ने: यदि बँदेललाई जिउँदै समातिएको छ भने नजिकैको राष्ट्रिय निकुञ्ज कार्यालय, वन्यजन्तु आरक्ष, संरक्षण क्षेत्र, डिभिजन वन कार्यालय वा मातहतका कार्यालयमा बुझाउनुपर्ने।
-
🏛️ स्थानीय तहलाई जानकारी: यस्तो घटनाको जानकारी सम्बन्धित स्थानीय तहको वडा कार्यालयमा समेत दिनुपर्ने।
यो व्यवस्था राजपत्रमा सूचना प्रकाशित भएको मिति (२०८२/११/११) देखि एक वर्षसम्म लागू हुनेछ। यस निर्णयले वर्षौँदेखि बँदेलको आतंकबाट पीडित पहाडी तथा तराईका किसानहरूलाई केही राहत मिल्ने अपेक्षा गरिएको छ।
Leave a Comment