सुनको भाउ ३ सयले घट्यो, चाँदीको स्थिर

काठमाडौं । बजारमा सोमबार सुनको भाउमा सामान्य गिरावट देखिएको छ । नेपाल सुनचाँदी व्यवसायी महासंघका अनुसार आइतबारको तुलनामा सुनको भाउ प्रतितोला ३ सय रुपैयाँले घटेको हो ।

यससँगै छापावाल सुनको भाउ प्रतितोला ९३ हजार ६ सय रुपैयाँमा झरेको छ भने तेजावी सुनको भाउ ९३ हजार एक सय रुपैयाँमा आइपुगेको छ ।

सोमबार चाँदीको भाउ भने आइतबारको तुलनामा स्थिर देखिएको छ । चाँदी प्रतितोला ११५० रुपैयाँमा कारोबार भइरहेको छ ।