हेटौँडा उपमहानगरपालिमा बाघको बढ्दो आतंक

हेटौँडा उपमहानगरपालिका वडा नं. १२ र १३ को सिमानामा दुईवटा राष्ट्रिय निकुञ्जसँग जोडिएको क्षेत्रमा बाघ देखा परेको छ।

शनिबार राति स्थानीयहरूले गाउँ वरपर बाघ देखिएको बताएका छन्।

नेपाली कांग्रेसका नेता र हेटौँडा १२ का स्थानीय कुमार पोखरेलले सामाजिक सञ्जालमार्फत हेटौँडा १२ र १३ को सिमानामा बिचरोड र रमनटार क्षेत्रमा बाघ देखिएको जानकारी दिएका छन्।

पछिल्लो एक हप्तादेखि दक्षिण–पश्चिम मकवानपुरका स्थानीय बाघको आतंकबाट त्रसित छन्। बाघ देखिएको खबर पाएपछि बाघ नियन्त्रणको लागि निकुञ्जसँग समन्वय गरेको जिल्ला प्रहरी कार्यालय मकवानपुरले जनाएको छ।