बालेन शाहले तीनकुनेको अन्नपूर्ण विद्यालय केन्द्रबाट गरे मतदान

काठमाडौं । राष्ट्रिय स्वतन्त्र पार्टी (रास्वपा) का वरिष्ठ नेता तथा प्रतिनिधिसभा सदस्यका उम्मेदवार बालेन शाहले आज बिहानै आफ्नो मताधिकार प्रयोग गरेका छन्।

उनले काठमाडौं महानगरपालिका–९, तीनकुने गैरीगाउँस्थित अन्नपूर्ण विद्यालय मतदान केन्द्रबाट आफ्नो मत खसालेका हुन्। बिहान ७ बजेदेखि सुरु भएको मतदान प्रक्रियामा सहभागी हुन बालेन शाह बिहानै मतदान केन्द्र पुगेका थिए।

मतदानपछि संक्षिप्त प्रतिक्रिया दिँदै उनले निर्वाचनलाई लोकतन्त्रको महत्त्वपूर्ण अभ्यास भन्दै सबै नागरिकलाई आफ्नो मताधिकार प्रयोग गर्न आग्रह गरे। उनले शान्तिपूर्ण र व्यवस्थित रूपमा मतदान प्रक्रिया अघि बढिरहेको समेत बताएका छन्।

हाल राष्ट्रिय स्वतन्त्र पार्टी (रास्वपा) बाट झापा क्षेत्र नम्बर ५ मा प्रतिनिधिसभा सदस्यका मुख्य प्रतिस्पर्धीका रूपमा बालेन शाह मैदानमा छन्। निर्वाचन परिणामले देशको राजनीतिक दिशालाई तय गर्ने भएकाले नागरिकको सक्रिय सहभागिता आवश्यक रहेको उनले बताए।