थारु भाषामा ‘म यस्तो गीत गाउँछु २’ को प्रमोशनल गीत (भिडियो)

फिल्म ‘म यस्तो गीत गाउँछु २’ को प्रमोशनल गीत सार्वजनिक भएको छ । बुधवार राजधानीमा एक कार्यक्रमका बिच सार्वजनिक गरिएको थारु भाषाको गीतमा नरेश योगी र मधु चौधरीको आवाज रहेको छ भने गायक योगीकै शब्द रचना तथा संगीत छ । गीतलाई सेविल एन्टरटेन्मेन्ट युट्युब च्यानल बाट रिलिज गरिएको हो l भिडियोमा फिल्मका मुख्य नायक -नायिका पल शाहलाई र पूजा शर्मालाई देखाइएको छ l थारु पहिरनमा देखिएका पल र पूजाको यस गीतको भिडियोलाई चितवनमा खिचिएको हो l

निर्माण टिमले नेवारी भाषामा पनि एउटा प्रमोशनल गीत तयार पारेको छ ।  फिल्ममा पूजा र पलका अलावा हरिहर शर्मा, दिनेश डिसी, राजा राजेन्द्र पोखरेल, सोनिका रोकायालगायतका कलाकारहरूको अभिनय रहेको छ । ‘म यस्तो गीत गाउँछु २’को कथा शिवं अधिकारी र दिनेश न्यौपानेले लेखेका हुन् । फिल्म यही फागुन १३ गतेबाट देशव्यापी प्रदर्शनमा आउँदै छ l