काठमाडौँ । राष्ट्रिय प्रजातन्त्र पार्टीले ३० वैशाखमा हुने स्थानीय तह निर्वाचनको घोषणापत्र सार्वजनिक गरेको छ । पार्टी कार्यालय धुम्बाराहीमा आयोजित कार्यक्रममा अध्यक्ष राजेन्द्र लिंदेनले घोषणापत्र सार्वपजनिक गरेका हुन् ।
राप्रपाले १२ कक्षासम्म निःशुल्क, सबै स्थानीय तहमा कम्तिमा एक प्राविभिक धारको विद्यालय, विद्यालयमा अनिवार्य कम्प्युटर शिक्षा, प्रारम्भिक बालविकास शिक्षा र कार्यक्रमलाई गुणस्तरीय बनाउन प्राथमिकता लगायतका विषय घोषणापत्रमा राखेको छ ।
साथै गरिबीको रेखा मुनि रहेका बर्ग तथा अल्पसंख्यक समुहका न्युनतम एक जना प्रतिभाशाली विद्यार्थीलाई प्रत्येक वर्ष एम.बि.बि.एस र इन्जिनियर स्नातह तह अध्ययनका लागि छात्रवृत्ति, छात्राहरुलाई निशुल्क सेनिटरी प्याड, बेरोजगार तथा सीप विहीन युवालाई सीपमुलक तालिम केन्द्र स्थापना,प्राथमिक तहसम्म स्थानीय मातृभाषा शिक्षा र फरक शारीरिक क्षमता भएका विद्यार्थीका लागि विशेष कक्षाको व्यावस्था गरीने घोषणापत्रमा उललेख गरेको छ ।
Leave a Comment