गुल्मी बाट नेकपा(बहुमत) निकट केन्द्रिय महासचिव सहितका नेता तथा कार्यकर्ता प्रकाउ

यसै सिलसिलामा हाल हाम्रो संगठनको “प्रज्वल संगठन सुदृढिकरण अभियान” देशव्यापी रुपमा चलिरहेको छ अभियान मार्फत् संगठन निर्माण, विस्तार, भेला सम्मेलन, प्रशिक्षणका साथै विद्यार्थी तथा शिक्षा क्षेत्र भित्रका समस्याहरुको निकासका लागि संघर्ष गर्दै अभियानलाई सार्थक बनाउँदै अघि बढेको छ । ठिक यसै बेला लोकतन्त्र र गणतन्त्रको खुबै दुहाई दिने नेपाल सरकारको प्रहरी प्रशासनले शान्तिपूर्ण आवाज उठाउन पाइने, भेला सम्मेलन गर्न पाइने, शान्तिपूर्ण राजनीतिक कार्यक्रम गर्न पाउने अधिकार सहितको संविधानको धज्जी उडाउँदै हाम्रो संगठनको १९औं गुल्मी जिल्ला सम्मेलन शान्तिपूर्ण पूर्व निर्धारित तथा सार्वजनिकरण गरिएको मिति र समयमा हुँदै गरेको उद्घाटन कार्यक्रममा दलाल भ्रष्टहरुको व्यवस्था दलाल संसदीय व्यवस्थाको रक्षाकवज तथा आम नेपाली युवा विद्यार्थी, किसान, मजदुरहरुको अधिकारमाथी बुट बजाउने नेपालको प्रहरी प्रशासनको नाङ्गो हस्तक्षेपले दलाल प्रवृत्तिको प्रशासनको पनि घुम्टो उदाङ्गो बनाईदिएको छ । प्रहरी प्रशासनको यो निच र पूर्वाग्रही घटिया कार्यको घोर निन्दा र भ्रत्सना गर्दछौं । साथै आफ्नो अधिकारको लागि र आम नेपाली विद्यार्थीको भविष्य खोज्ने विद्यार्थी माथी नभई शैक्षिक दलाल, माफिया तस्करहरु दिनदहाडै जनताको सम्पतिमाथी अनैतिक रजाईं गर्ने अपराधीहरुलाई कानूनी दायरामा ल्याउन चुनौति दिन चाहन्छौं । आगामी दिनमा यस्ता निन्दनीय कार्य नगर्न पनि चेतावनी दिँदै यस्ता घटिया कार्यमा संलग्न जो कोही विरुद्ध कडा प्रतिवाद गर्दै आफ्ना अधिकारको खातिर संघर्षको मैदानमा सहभागी हुन आम युवा विद्यार्थीलाई आवहान् गर्दछौं । क्रान्तिकारी अभिवादन सहित !