मिर्गौलाका विरामीहरु दिन प्रतिदिन बढिरहेको सन्दर्भमा विरामीहरुलाई सुलभ उपचार दिने उद्देश्यले भविष्यमा ५० वटा मेसिन पुर्‍यायने लक्ष्य सहित सेवा शुरु गरिएको अध्यक्ष खनालले बताए । नियमित डायलासिस गराउनुपर्ने बिरामीहरुले सर्वसुलभ सेवा पाउन नसक्दा बाहिर जानुपर्ने बाध्यता थियो । जसका कारण बिरामीहरुमा उच्च आर्थिक व्ययभार पर्ने भएकाले निःशुल्क सेवा उपलब्ध गराउने उनको भनाइ छ ।

सेवालाई पूर्ण निःशुल्कका लागि प्रदेश सरकारको स्वास्थ्य मन्त्रालय समक्ष प्रक्रिया अगाडि बढाइसकिएको अस्पतालका सञ्चालक डा. विनोद पराजुलीले बताए । यस्तै अस्पतालले सोमबारदेखि एनआईसीयू र यूरो सर्जरी सेवा पनि शुरु गरेको छ ।