काठमाडौँ । एमालेको विद्यार्थी संगठन अनेरास्ववियुले सरकारका प्रवक्ता एवम् सञ्चारमन्त्री ज्ञानेन्द्रबहादुर कार्कीलाई कालो झण्डा देखाएको छ ।
स्थानीय तहको निर्वाचनको मिति तत्काल घोषणा गर्न माग गर्दै प्रदर्शन अनेरास्ववियुले ललितपुरको पुल्चोकस्थित मन्त्री क्वार्टर बाहिर कालो झण्डा देखाएको हो । त्यही बेला मन्त्री कार्की क्वार्टरबाट निस्किएपछि विद्यार्थीले मन्त्रीको गाडी रोकेर कालोझण्डा देखाएका थिए ।
एमालेले सोमबार स्थानीय तहको निर्वाचनको मिति तत्काल घोषणा गर्न माग गर्दै आफ्ना सबै संगठनलाई परिचालन गर्ने निर्णय गरेको थियो । सत्तारूढ गठबन्धनले जेठमा स्थानीय तहको चुनाव गर्ने तयारी गरिरहेको छ ।
Leave a Comment