गृहमन्त्री अर्यालद्वारा धादिङ बस दुर्घटनाका घाइतेको अवस्था बुझाइ

काठमाडौं । गृहमन्त्री ओमप्रकाश अर्याल धादिङ बस दुर्घटनाका घाइते भेट्न अस्पताल पुगेका छन्। उनी कलंकीस्थित नेपाल नेशनल अस्पताल र राष्ट्रिय ट्रमा सेन्टरमा उपचाररत घाइतेको स्वास्थ्य अवस्था बुझ्न पुगेका थिए।

धादिङ बस दुर्घटनामा १९ जनाको मृत्यु भएको थियो भने २५ जना घाइते भएका थिए। घाइतेहरूको उद्धार गरी विभिन्न अस्पतालमा उपचार भइरहेको छ।

गृहमन्त्री अर्यालले घाइतेको शीघ्र स्वास्थ्यलाभको कामना गर्दै, उपचारमा सरकारले कुनै कमी नआउने प्रतिवद्धता जनाए। साथै दुर्घटनाको छानबिन गर्न गृह मन्त्रालयको संयोजकत्वमा ५ सदस्यीय कार्यदल गठन गरिएको छ।

बस दुर्घटना पृथ्वी राजमार्गमा पोखराबाट काठमाडौंतर्फ आउँदै गरेको ग २ ख १४२१ नम्बरको बस राति १:३० बजे धादिङको बेनिघाट–रोराङ्ग गाउँपालिका–५ भंसेगौडा नजिक त्रिशूली नदी किनारमा खसेर दुर्घटनाग्रस्त भएको थियो।

गृहमन्त्रीसँगै गृहसचिव, स्वास्थ्य मन्त्रालयका अधिकारी र सुरक्षा निकायका प्रमुख पनि अस्पताल पुगेका थिए।